रत्नागिरी : रत्नदुर्ग माउंटेनीअर्स या संस्थेतर्फे प्रजासत्ताकदिनी भाट्ये पुलावरून भाट्ये किनार्‍यापर्यंत झिपलाइन या गिर्यारोहणातील साहसी क्रीडा प्रकाराचे आयोजन केले. संस्थेच्या रौप्यमहोत्सवानिमित्त संस्थेने अनेक साहसी उपक्रम हाती घेतले आहेत.
झिपलाइनसाठी सुरक्षेची योग्य ती काळजी घेण्यात आली होती. भाट्ये पुलापासून किनार्‍यापर्यंत सुमारे साडेचारशे फुटांचा मजबूत दोरखंड बांधला होता. यामध्ये मुलाला सीट हार्नेसवरून पुलीच्या साह्याने दोराला लटकवले गेले आणि बर्ड व्ह्यूने समुद्र, किनारा पाहण्याचा आनंद मुलांनी घेतला. आठ ते १८ वयोगटातील ८३ मुले यामध्ये सहभागी झाली होती.
कार्यक्रमाच्या यशस्वितेसाठी रत्नदुर्ग माउंटेनीअर्सचे फिल्ड इनचार्ज जितेंद्र शिंदे, गणेश चौघुले, अध्यक्ष शेखर मुकादम, वीरेंद्र वणजू, नेत्रा राजेशिर्के, संजय खामकर, पराग सुर्वे, गौतम बाष्टे, हर्ष जैन, प्राजक्ता राऊत, प्रांजली चोप्रा, सनील डोंगरे, दीप नाचणकर, संतोष दैत, धीरज डांगे आदी सभासदांनी मेहनत घेतली.
